Vandað ehf. sem rektur RVK Bruggfélag og bruggstofu í Tónabíói hefur ráðið Bjarna Þór Logason sem framkævmdastjóra. Bjarni kemur til Vandaðs frá Heimkaupum þar sem hann var innkaupastjóri og kom m.a. að opnun verslunarinnar Prís. Áður starfaði hann sem rekstrarstjóri hjá Ölgerðinni, RJC og Líflandi og hefur yfir 20 ára reynslu af matvælamarkaði.

Bjarni hefur lokið BS-prófi í viðskiptafræði með áherslu á stjórnun og rekstur auk þess að hafa lagt stund á nám í tölvunarfræði frá Háskólanum í Reykjavík.

Ráðning Bjarna markar tímamót í starfsemi félagsins, sem nú stefnir á mikla sókn. Til marks um þessa sókn bætti RVK Bruggfélag nýverið fjórum nýjum kjarnabjórum við vöruúrvalið. Hönnun og gæði vörunnar hafa vakið verðskuldaða athygli innanlands sem utan og hlutu dósirnar, sem voru hannaðar af Karlsson Wilker í New York t.a.m gullverðlaun FÍT fyrir hönnun.

Bjarni Þór Logason:

„Ég hef lengi verið aðdáandi bjóranna frá RVK Bruggfélagi og þekki því vel til félagsins, sem hefur verið þekkt fyrir að vera framsækið í vöruþróun. Þá er Tónabíó einstakur staður, þar sem gæði, stemning og metnaður mætast á einstakan hátt. Það eru mörg spennandi verkefni framundan sem ég hlakka til að byrja á. Við erum stórhuga hér innanhúss, þannig að bjórunnendur eiga von á góðu á komandi misserum.“

Einar Örn Sigurdórsson stjórnarformaður Vandaðs ehf.:

„Verslun með bjór stendur á tímamótum, þar sem tilkoma netverslana og bein sala frá framleiðendum hefur skapað nýja sölumöguleika auk þess sem kröfur um aukið frelsi og afnám einkasölu hins opinbera verða stöðugt háværari. Bjarni kemur til okkar með víðtæka þekkingu og reynslu af úr íslensku viðskiptalífi sem mun sannlega styrkja okkur í þessari þróun.“

Vandað ehf. var stofnað á bjórdaginn 2017 og hefur síðan þá gert yfir 200 tegundir bjóra, allt frá strangheiðarlegum ljósum lager yfir í 10% kanilsnúða stout. Félagið starfrækir í dag tvö brugghús í Skipholti með allri nýjustu tækni og gæðastýringu sem þarf til að tryggja að framleiðslan sé alltaf fyrsta flokks. Árið 2024 voru svo tímamót í sögu RVK Bruggfélags með opnun Tónabíós en þar er nú rekinn staður með 22 krönum og er því sannkallaður draumaáfangastaður bjórunnenda.

RVK Bruggfélag kynnir nýja bjóra í svo kallaðri kjarnalínu félagsins. RVK kjarnabjórarnir eru í senn aðgengilegir en jafnframt gerðir samkvæmt sömu kröfum til handverksbjóra eins og aðrir bjórar félagsins. RVK kjarnabjórarnir eru fjórir og byggja á bjórum sem hafa verið bruggaðir árum saman hjá RVK Bruggfélagi:

– RVK Lager 5%: þetta er nýjasta útgáfan af lager bjór RVK Bruggfélags, sem meðal annars var kjörinn besti helles lager á Íslandi á Untappd 2023
– RVK Hrím Lite 4,4%: léttur en jafnframt bragðgóður. Lite bjórinn okkar er glúten frír og með færri hitaeiningar en aðrir bjórar
– RVK Pale Ale 4,7%: þetta er nýjasta útgáfan af okkar vel þekkta Pale Ale, með milda bitru og mikið ávaxtabragð úr amerískum humlum
– RVK Kopar Klassík 4,6%: karamellaður lager í Classískum dönskum stíl, einn okkar vinsælasti í Tónabíói frá upphafi

Dósirnar eru einstaklega glæsilegar og eru hannaðar hjá Karlsonwilker hönnunarhúsinu í New York. 

Allir fjórir RVK Kjarnabjórar verða til sölu í bruggstofu RVK Bruggfélags í Tónabíói, Skipholti 33. Hrím Lite og Pale Ale fara í sölu í verslunum ÁTVR mánudaginn 2. september, hinir 2 munu fara í sölu í verslunum ÁTVR á komandi mánuðum.

Vandað ehf. var stofnað á bjórdaginn 1. mars árið 2017 og brugghúsið í Skipholti 31 hóf starfsemi 15 mánuðum síðar. Þar hefur frá upphafi verið rekin lítil bruggstofa hvar gestir geta komið við og smakkað á vörum RVK Bruggfélags, ásamt því að fræðast um starfsemi brugghússins og bjórsögu Íslands. 

Í dag, á sólskinsríkum bjórdegi 6 árum síðar, undirrituðum við samning um að færa bruggstofuna okkar yfir í stærra húsnæði í gamla Tónabíói í Skipholti 33, eða Vinabæ eins og það hét sl. 30 ár. Þar verður mun rýmra um okkur; pláss fyrir fleiri gesti, meira úrval af bjór og öðrum góðum veigum, þar verður bjórbúð með vörur félagsins, auk þess sem við ætlum að bjóða upp á kaffi og létt fæði alla daga. Framkvæmdir eru að hefjast og stefnum við á að opna nýju bruggstofuna í Tónabíói á næstu vikum.

Á myndinni handsala Sigurður P. Snorrason meðstofnandi og framkvæmdastjóri Vandaðs og Ingi Helgason hjá LX fasteignum samstarf félaganna í Tónabíói.