RVK Jólabrugg frá RVK Bruggfélagi var nýlega valin besta dós í heimi fyrir árið 2025 af breska tímaritinu The Canmaker. Verðlaunin eru talin ein virtasta viðurkenning í heimi á sviði umbúðahönnunar og framleiðslu drykkjardjósa.

Útlit og hönnun á dósinni var í höndum Karlssonwilker hönnunarstofunnar í New York. Dósin er framleidd hjá Nomoq í Þýskalandi sem sérhæfir sig í að prenta á dósir fyrir smá og millistóra fremleiðendur. Dómnefnd The Canmager hrósaði dósinni sérstaklega fyrir glæsilegt útlit og hágæða prentun á einkennandi útliti dósa frá RVK Bruggfélagi.

RVK Jólabrugg hlaut einnig gullverðlaun í flokkunum Beverage Two Piece og silfurverðlaun í flokknum Decoration and Print Quality fyrir framúrskarandi hönnun og prentgæði.

Sala á RVK Jólabruggi hefst í verslunum ÁTVR fimmtudaginn 6. nóvember, en hún fæst einnig í bjórbúð RVK Bruggfélags í Tónabíói.

Vandað ehf. sem rektur RVK Bruggfélag og bruggstofu í Tónabíói hefur ráðið Bjarna Þór Logason sem framkævmdastjóra. Bjarni kemur til Vandaðs frá Heimkaupum þar sem hann var innkaupastjóri og kom m.a. að opnun verslunarinnar Prís. Áður starfaði hann sem rekstrarstjóri hjá Ölgerðinni, RJC og Líflandi og hefur yfir 20 ára reynslu af matvælamarkaði.

Bjarni hefur lokið BS-prófi í viðskiptafræði með áherslu á stjórnun og rekstur auk þess að hafa lagt stund á nám í tölvunarfræði frá Háskólanum í Reykjavík.

Ráðning Bjarna markar tímamót í starfsemi félagsins, sem nú stefnir á mikla sókn. Til marks um þessa sókn bætti RVK Bruggfélag nýverið fjórum nýjum kjarnabjórum við vöruúrvalið. Hönnun og gæði vörunnar hafa vakið verðskuldaða athygli innanlands sem utan og hlutu dósirnar, sem voru hannaðar af Karlsson Wilker í New York t.a.m gullverðlaun FÍT fyrir hönnun.

Bjarni Þór Logason:

„Ég hef lengi verið aðdáandi bjóranna frá RVK Bruggfélagi og þekki því vel til félagsins, sem hefur verið þekkt fyrir að vera framsækið í vöruþróun. Þá er Tónabíó einstakur staður, þar sem gæði, stemning og metnaður mætast á einstakan hátt. Það eru mörg spennandi verkefni framundan sem ég hlakka til að byrja á. Við erum stórhuga hér innanhúss, þannig að bjórunnendur eiga von á góðu á komandi misserum.“

Einar Örn Sigurdórsson stjórnarformaður Vandaðs ehf.:

„Verslun með bjór stendur á tímamótum, þar sem tilkoma netverslana og bein sala frá framleiðendum hefur skapað nýja sölumöguleika auk þess sem kröfur um aukið frelsi og afnám einkasölu hins opinbera verða stöðugt háværari. Bjarni kemur til okkar með víðtæka þekkingu og reynslu af úr íslensku viðskiptalífi sem mun sannlega styrkja okkur í þessari þróun.“

Vandað ehf. var stofnað á bjórdaginn 2017 og hefur síðan þá gert yfir 200 tegundir bjóra, allt frá strangheiðarlegum ljósum lager yfir í 10% kanilsnúða stout. Félagið starfrækir í dag tvö brugghús í Skipholti með allri nýjustu tækni og gæðastýringu sem þarf til að tryggja að framleiðslan sé alltaf fyrsta flokks. Árið 2024 voru svo tímamót í sögu RVK Bruggfélags með opnun Tónabíós en þar er nú rekinn staður með 22 krönum og er því sannkallaður draumaáfangastaður bjórunnenda.

RVK Bruggfélag kynnir nýja bjóra í svo kallaðri kjarnalínu félagsins. RVK kjarnabjórarnir eru í senn aðgengilegir en jafnframt gerðir samkvæmt sömu kröfum til handverksbjóra eins og aðrir bjórar félagsins. RVK kjarnabjórarnir eru fjórir og byggja á bjórum sem hafa verið bruggaðir árum saman hjá RVK Bruggfélagi:

– RVK Lager 5%: þetta er nýjasta útgáfan af lager bjór RVK Bruggfélags, sem meðal annars var kjörinn besti helles lager á Íslandi á Untappd 2023
– RVK Hrím Lite 4,4%: léttur en jafnframt bragðgóður. Lite bjórinn okkar er glúten frír og með færri hitaeiningar en aðrir bjórar
– RVK Pale Ale 4,7%: þetta er nýjasta útgáfan af okkar vel þekkta Pale Ale, með milda bitru og mikið ávaxtabragð úr amerískum humlum
– RVK Kopar Klassík 4,6%: karamellaður lager í Classískum dönskum stíl, einn okkar vinsælasti í Tónabíói frá upphafi

Dósirnar eru einstaklega glæsilegar og eru hannaðar hjá Karlsonwilker hönnunarhúsinu í New York. 

Allir fjórir RVK Kjarnabjórar verða til sölu í bruggstofu RVK Bruggfélags í Tónabíói, Skipholti 33. Hrím Lite og Pale Ale fara í sölu í verslunum ÁTVR mánudaginn 2. september, hinir 2 munu fara í sölu í verslunum ÁTVR á komandi mánuðum.